Kur Franca mbylli më shumë se 64 milionë njerëz për shkak të epidemisë së koronavirusit gjatë pranverës së kaluar, kishte spekulime se një ‘bum fëmijësh’ do ta vinte më pas.

“Mendova edhe këtë. Ata janë të ngujuar në shtëpi. Ose do zihen, ose do bëjnë dashuri”, tha Martine Mabiala Moussirou, një koordinatore mamie në spitalin kryesor publik në Saint-Denis, një qytet në periferi të Parisit që ka një nga nivelet më të larta të lindjes në Francë, transmeton portali arbresh.info

Nëntë muaj më vonë, në vend të një bumi, Franca po dëshmon një rënie të ndjeshme të lindjeve. Pasiguria ekonomike, stresi shoqëror dhe në disa raste ankthet për vetë virusin duket se kanë nxitur familjet të braktisin ose të shtyjnë planet për të pasur një fëmijë.

Numri i foshnjave të lindura në spitalin Saint-Denis ra me rreth 20 përqind midis mesit të dhjetorit dhe mesit të janarit dhe pritet të mbetet nën nivelet e vitit 2020 për të paktën gjysmën e parë të vitit.

Përderisa repartet e koronavirusit janë stërmbushur, dritat në maternitet janë ndalur dhe korridoret janë bosh.

Disa vende në zhvillim po regjistrojnë fillimet e një bumi foshnjash, të shkaktuara pjesërisht nga ulja e fondeve dhe aksesi në kontraceptivë dhe shërbime të planifikimit familjar gjatë pandemisë.

Megjithatë, Franca dhe vendet tjera të zhvilluara kanë parë një rënië drastike të lindjes së fëmijëve që po shfaqet që nga fillimi i pandemisë, e cila pritet që të ketë pasoja për dekadat që vijnë.

Në pesë spitalet e mëdha universitare në rajon, lindjet ranë midis 10 përqind dhe 25 përqind në janar krahasuar me të njëjtin muaj të vitit të kaluar, sipas shifrave të siguruara nga Uashington Post.

Studiuesit po eksplorojnë gjithashtu se si ashpërsia e shpërthimeve të koronavirusit mund të ketë ndikuar në vendimet e planifikimit familjar. Disa zona të Francës tani raportojnë një rënie të lindjeve ishin gjithashtu ndër zonat më të goditura gjatë valës së parë të infeksioneve, duke sugjeruar një korrelacion të mundshëm.

Frika nga pandemia dhe pasiguria ekonomike janë duke ndikuar shumë në planifikimin e familjes.

Franca dhe vendet tjera europiane janë ngadalësuar më pas se sa pritej në fund të vitit të kaluar, ndërsa paralajmërohet një recension i dyfishtë.

Ndërkohë, Europa vazhdon të qëndrojë e mbyllur për shkak të valës së dytë dhe të tretë të pandemisë./arbresh.info/